Тармак белгечләре террорчылыкка каршы куркынычсызлык мәсьәләләре буенча даими рәвештә квалификация күтәрәләр
Россия Федерациясендә террорчылык идеологиясенә каршы торуның 2024-2028 елларда Комплекслы планын гамәлгә ашыру кысаларында ведомство буйсынуындагы булган учреждениеләрдә террорчылыкны профилактикалау чараларын гамәлгә ашыру өчен җаваплы җитәкчеләрнең һәм белгечләрнең квалификациясен күтәрү системалы эш дәвам итә.
Майдан сентябрьгә кадәр «ТИСБИ» Идарә университетының өзлексез белем бирү институты базасында «Террорчылык һәм экстремизм идеологиясенә каршы тору мәсьәләләре» буенча квалификация күтәрү программасы уңышлы гамәлгә ашырылды.
Дәресләр барышында курс тыңлаучылары террорчылыкка каршы якланганлык мәсьәләләре буенча законнарны карадылар; радикаль идеология йогынтысына аеруча бирешкән затларның психологик үзенчәлекләрен ачыкладылар; балигъ булмаганнарны диверсия-террорчылык һәм экстремистик эшчәнлеккә җәлеп итүне профилактикалау буенча эшнең төп юнәлешләрен һәм формаларын, шулай ук террорчылык акты куркынычы янаганда, шул исәптән, пилотсыз очу аппаратлары куллану очрагында, гамәлләр алгоритмнарын карап үттеләр.
Хәвеф-хәтәр төркеменә кергән затлар белән адреслы профилактик эш мәсьәләләренә аерым игътибар бирелде.
Агымдагы ел йомгаклары буенча тармакның 127 белгече бу өлкәдә квалификацияләрен күтәрде.
