(Русский) Обучающий онлайн-семинар «Профилактика жестокого обращения с пожилыми»

Социаль хезмәт күрсәтү учреждениеләре белгечләренең рәхимсез мөгамәлә фактларын кисәтү мәсьәләләрендә белем дәрәҗәсен күтәрү, шулай ук тормыш сыйфатын югары дәрәҗәдә саклау һәм өлкәннәргә вакытында ярдәм күрсәтү максатларында 2026 елның 15-19 июнендә ДКУ «РРҮ»дә «Өлкәннәр белән рәхимсез мөгамәләне профилактикалау» исемле онлайн-семинар булып үтте (10 ак.с.)

Семинарда гаиләгә һәм балаларга социаль ярдәм, халыкка социаль хезмәт күрсәтү комплекслы үзәкләренең өйдә социаль хезмәт күрсәтү бүлекчәләре белгечләреннән 120 тыңлаучы катнашты.

Онлайн-семинар спикерлары булып «Картлык шатлыкка» исемле өлкәннәргә һәм инвалидларга ярдәм хәйрия фондының өйдә ярдәмне үстерү буенча эксперты Майорова Л. А; «М. Н. Садыйков исемендәге», Казан шәһәре, ТР ССМ медицина психологиясе буенча штаттан тыш баш белгече Вахранева Е. В.; мәгълүмати-коммуникацион технологияләрне хокуксыз куллануга каршы көрәш идарәсенең аеруча мөһим эшләр буенча баш белгече, полиция майоры Йосыпов Р. Р.

Шулай ук семинарның спикеры сыйфатында Россиянең «Белем» җәмгыяте оешмасы белгече, В. Г. Тимирясов исемендәге КИУ НЧФның «Гомуми психология» кафедрасы доценты, психология фәннәре кандидаты М. В. Шулаева чыгыш ясады.