Тәрбияләү буенча ярдәмчеләр квалификацияләрен күтәрделәр
Агымдагы елның 1-нче кварталында халыкка социаль хезмәт күрсәтү Комплекс үзәкләре хезмәткәрләре өчен «Тәрбия буенча ярдәмче» программасы буенча квалификация күтәрү курслары булып узды.
Программа 2025 елда Татарстан Республикасында “Өлкән яшьтәге гражданнарны һәм тәрбияләүгә мохтаҗ инвалидларны озак вакытлы карау системасын булдыру чаралары” планы кысаларында гамәлгә ашырылды һәм тәрбияләү буенча сыйфатлы социаль хезмәт күрсәтү максатында хезмәткәрләрнең һөнәри компетенцияләрен камилләштерүгә юнәлдерелде.
Уку процессы барышында тыңлаучылар озак вакытлы карау системасының төп төшенчәләрен һәм когнитив тайпылышлары булган гражданнарга хезмәт күрсәтү үзенчәлекләрен карап үттеләр; беренче ярдәм күрсәтүнең гамәли күнекмәләрен, шулай ук гигиена хезмәтләре күрсәтү, ашаганда ярдәм итү, позицияләү һәм күчереп утырту вакытында эргономик методлар куллану күнекмәләрен алдылар; авыруларны профилактикалау буенча киңәшләр алдылар.
Укытучылар сыйфатында Татарстан Республикасы Хезмәт, халыкны эш белән тәэмин итү һәм социаль яклау министрлыгының Республика ресурс үзәгенең озак вакытлы карау системасын координацияләү бүлеге белгечләре чыгыш ясады.
111 кешедән торган тыңлаучылар курсның практик әһәмияте югары булуын билгеләп үттеләр, программаны уңышлы үзләштерделәр һәм квалификация күтәрү турында таныклыклар алдылар.
