Ата-аналарның алкогольгә бәйлелеге булган гаиләләргә ярдәм күрсәтү мәсьәләләре буенча учреждениеләр белгечләрен укыту курслары булып узды
Ата-аналарның алкогольгә бәйлелеге булган гаиләләргә ярдәм күрсәтү социаль хезмәт күрсәтү учреждениеләре эшчәнлегенең төп юнәлешләреннән берсе булып тора, чөнки әлеге фактор еш кына балаларда тискәре шәхес карашлары, хокукка каршы тәртип һәм башка социаль-тискәре күренешләр барлыкка килүгә сәбәп була.
Мондый гаиләләр белән эшләүне оештыру өчен кирәкле белгечләрнең һөнәри компетенцияләрен камилләштерү максатында 24-26 ноябрь көннәрендә «Ата-аналарның алкогольгә бәйлелеге булган гаилә белән социаль эш» программасы буенча квалификация күтәрү курслары узды.
Укытучы сыйфатында «Бергә эшлибез» социаль супервизия үзәгенең өлкән супервизоры, «Яңа үсеш» хәйрия фондының тренеры һәм методисты Марина Майер чыгыш ясады.
Уку процессы барышында тыңлаучылар алкогольгә бәйлелектәге ата-аналарны реабилитацияләүнең төп модельләрен һәм аларда үзгәрешләргә мотивация формалаштыру ысулларын өйрәнделәр, өзеклекләрне профилактикалау ысулларын һәм алкогольгә бәйлелектәге ата-аналарны психологик яклау механизмнарын карадылар, гаилә әгъзалары һәм якын даирә белән эшләү формалары турындагы белемнәрен киңәйттеләр.
Курсның 32 тыңлаучысы укуларын уңышлы тәмамлап, квалификация күтәрү турында таныклык алды.
