Балаларга һәм яшүсмерләргә социаль ярдәм өлкәсендә белгечләрнең һөнәри компетенцияләрен камилләштерү
Агымдагы елның 18-22 сентябрендә «Балалар һәм яшүсмерләр белән социаль эшне оештыру» программасы буенча халыкка социаль хезмәт күрсәтү комплекслы үзәкләре белгечләре өчен квалификация күтәрү курслары булып узды.
Программаның актуальлеге төрле социаль-педагогик проблемалары булган балигъ булмаганнарны социаль реабилитацияләү һәм адаптацияләү мәсьәләләрен хәл итәргә чакырылган социаль өлкә белгечләренең һөнәри әзерлеген камилләштерү кирәклеге белән бәйле.
Дәресләр барышында тыңлаучылар тарафыннан социаль хезмәтләр күрсәтүне регламентлаучы норматив-хокукый актларның төп нигезләмәләре; гаиләгә һәм балаларга социаль ярдәм бүлекчәләренең өстенлекле максатлары һәм бурычлары; балигъ булмаганнарның деструктив тәртибен профилактикалау буенча эшнең оештыру һәм эчтәлекле аспектлары өйрәнелде; социаль өлкә учреждениеләре белгечләренең үз-үзенә кул салу проблемалары очраклары белән эшләү эшчәнлегенең үзенчәлекләре ачыкланды; социаль өлкә белгечләренең һөнәри эшчәнлегендә стресска чыдамлык формалаштыру буенча киңәшләр бирелде.
Уку процессын гамәлгә ашыруга Казан (Идел буе) федераль университеты; Казан төзелеш, архитектура һәм шәһәр хуҗалыгы колледжы укытучылары; ТР Хезмәт, халыкны эш белән тәэмин итү һәм социаль яклау министрлыгы вәкилләре һ. б. җәлеп ителде.
Моннан тыш, гражданнарның финанс культурасын күтәрү максатларында Татарстан Республикасы буенча Милли банк бүлекчәсе вәкиле тарафыннан балигъ булмаганнарның финанс грамоталылыгы һәм финанс белеме буенча укыту чараларын оештыру буенча эшлекле уен формасында өйрәтү чарасы үткәрелде.
Уку нәтиҗәләре буенча программаны уңышлы үзләштергән һәм йомгаклау аттестациясен үткән 38 тыңлаучыга квалификация күтәрү турында таныклыклар бирелде.
